Жаңа Конституцияны 8 миллионға жуық адам қолдап дауыс берді – ОРК

Орталық референдум комиссиясы республикалық референдумда дауыс берудің алдын ала нәтижелерін жариялады. 

Оған сәйкес, референдумға қатысуға құқығы бар Қазақстан Республикасы азаматтарының жалпы саны 12 482 613 адамды құрады. 

"Дауыс беруге қатысқан азаматтардың саны референдумға қатысуға құқығы бар азаматтар санының 9 127 192 адамды немесе 73,12 пайызды құрады. Референдумға қойылған мәселенің оң шешімін жақтап дауыс берген азаматтардың саны 7 954 667 адам немесе 87,15 пайыз болды", – делінген ресми хабарламада.