Қазақстанда тұрғын үй бағасы бір жылда 26 пайыз өсті

ҚР СЖРА Ұлттық статистика бюросының мәліметінше, бір жылда қолданыстағы пәтерлерді қайта сату бағасы 26,4% артса, жаңа тұрғын үйлер бағасы 19,6% жоғарылаған. Ал тұрғын үйді жалға алу төлемі 20,8% өскен.

Өңірлер бойынша жаңа салынған тұрғын үйлер нарығындағы баспана жылдық мәнде:

• Ақтөбе қаласында – 32,5%;
• Нұр-Сұлтанда – 27,6%;
• Өскеменде 26,1% қымбаттаған.

Қолданыстағы үйлерді қайта сату нарығында баға өсімі бойынша көшбасшылар:

• Қызылорда (44%);
• Өскемен (43,7%);
• Талдықорған (43,4%);
• Нұр-Сұлтан (41,3%).

---

Оқи отырыңыз: Әкімдіктен – 5 пайыздық ипотека. Өңірлік тұрғын үй бағдарламаларына шолу

---

Ал тұрғын үйді жалға алу нарығында – Алматы қаласы (47,2%) бірінші орында тұр.

"Бір айдың ішінде (2022 жылғы шілде мен маусымды салыстырғанда) пәтерлерді қайта сату бағалары – 0,8%, жаңа тұрғын үйді сату 0,5% өсті. Абаттандырылған тұрғын үйді жалға алу төлемі алдыңғы аймен салыстырғанда шілдеде 0,4% жоғарылады" делінген ұлттық бюроның хабарламасында.