Алматы прокуратурасы қалалық мәслихат депутаты Қайрат Құдайбергеннің ұсталуына қатысты ақпарат жариялады. Оған сәйкес, 21 сәуірде Бас прокуратураның арнайы прокурорларының басшылығымен ведомствоаралық жедел-тергеу тобы жаппай тәртіпсіздіктерді ұйымдастыру мен оған қатыстыдеген күдікпен Қайрат Құдайбергенұлын ұстаған.
Алдын ала тергеу кезінде Қайрат Құдайберген Арман Жұмагелдиевпен ("Дикий Арман") бірге "Қазақстан" қонақ үйінде адамдар жинауды ұйымдастырып, Жұмагелдиевтің айналасына бірігуге, оны қолдауға және биліктің бірыңғай талаптарын ұсынуға шақырғаны анықталған. Олар сондай-ақ адамдарды 10 адамнан "ұяшықтар" бойынша бөліп және олардың топтарының ерекшеліктерінің белгісі ретінде қолдарына ақ таңғыштарды таңуға нұсқау берген.
Оқи отырыңыз: Алматы мәслихатының депутаты Қайрат Құдайберген қамауға алынды
Прокуратура мәліметінше, Құдайберген мен Жұмагелдиев жинаған топ алаңға шығып, Жұмагелдиев төңірегіндегі митингілерді біріктіруге, алаңда жедел штаб ұйымдастыруға және билік алдында бірыңғай талаптар қоюға тырысқан. Бұл заңға қарсы акция жаппай төбелеске ұласты.
Құдайбергеннің жаппай тәртіпсіздіктерді ұйымдастыруы мен қатысуы "Қазақстан" қонақ үйінен, Жұмагелдиев тобының ұсталған қатысушыларының ұялы телефондарынан алынған бейнежазбалармен, куәгерлердің айғақтарымен расталған.
