Ермек Көшербаев Қазақстанның Аустриядағы елшісі болып тағайындалды

Мемлекет басшысы Қасым-Жомарт Тоқаевтың жарлықтарымен Қазақстанның бірқатар елшілері тағайындалды.  

• Ермек Көшербаев Қазақстанның Аустриядағы елшісі және Қазақстанның Венадағы халықаралық ұйымдар жанындағы тұрақты өкілі болды. 
• Еркін Тұқымов Қазақстанның Пәкістан Ислам Республикасындағы төтенше және өкілетті елшісі болып тағайындалды. 

Сондай-ақ, мемлекет басшысы Сәулекүл Сайлауқызын Қазақстанның Марокко корольдігіндегі төтенше және өкілетті елшісі, Қазақстанның Того республикасындағы төтенше және өкілетті елшісі қызметін қоса атқарушы лауазымдарынан босатты.

Еске салайық, бұған дейін Ермек Көшербаев Қазақстанның сыртқы істер министрі қызметін атқарды.