Алматыда Жетісу көшесінің бір бөлігінде орташа жөндеу жұмыстары жүргізілуіне байланысты көлік қозғалысына уақытша шектеу енгізіледі.
Қала әкімдігінің мәліметінше, 9 маусым күні сағат 07:00-ден 10 маусым күні сағат 07:00-ге дейін Жетісу көшесінің Мақатаев көшесі мен №49 үй аралығындағы бөлігінде көлік қозғалысы толықтай тоқтатылады.
"Жөндеу жұмыстары жүргізілетін аумақта жүргізушілерге арналған ескерту жол белгілері орнатылып, мердігер ұйым өкілдерінің байланыс деректері көрсетілген ақпараттық тақталар орналастырылады", – делінген хабарламада.
Қала тұрғындары мен жүргізушілерге қозғалыс бағытын алдын ала жоспарлау ұсынылады.
Айта кетейік, жол қозғалысына қатысты өзгерістер туралы ақпарат AlmatyJoly Telegram арнасы, әкімдіктің ресми әлеуметтік желідегі парақшалары, сондай-ақ 2GIS және Яндекс Карталар қосымшаларында жарияланып отырады.