Жетісуда заңсыз жер пайдалану анықталды: компанияға 2,7 млн теңге айыппұл салынды

Жетісу облысы, Кербұлақ ауданында жер қойнауын пайдаланушы компания мемлекеттік меншікке жататын аумақта заңсыз әктас өндіргені белгілі болды, деп хабарлайды Ауыл шаруашылығы министрлігі.

ҚР АШМ Жер ресурстары аймақтық комитеті жүргізген тексеру нәтижесінде бұзушылық расталып, заңды тұлғаға нұсқама берілді. Компания ҚР ӘҚБтК-не сәйкес әкімшілік жауапкершілікке тартылып, 2,7 миллион теңге айыппұл төлеп, мемлекет кірісіне өтеді.

Комитет жер заңнамасын бұзуға қарсы жұмыстарды жүйелі түрде жалғастырып жатыр.