Қосымша ақыны 2 мыңнан астам құтқарушы алады.
ҚР Үкіметі қабылдаған қаулы бойынша, жұмыс барысында денсаулыққа және өмірге зиян келуі қаупімен байланысты жұмыс үшін қазақстандық құтқарушыларға қосымша ақы төленеді.
"Қосымша ақының мөлшері лауазымдық жалақының 70 пайызын құрайды. Ол жедел-құтқару жасақтары, Республикалық жедел-құтқару жасағы, Апаттар медицинасы орталығы қызметкерлеріне және "Қазселденқорғау" ММ-нің құтқару функциялары бар негізгі қызметкерлеріне төленеді" делінген Үкімет хабарламасында.
Төтенше жағдайлар министрлігінің мәліметінше, қосымша ақыны 2 мыңнан астам құтқарушы алады.
Қаулы 2023 жылғы 1 қаңтардан бастап туындаған құқықтық қатынастарға қолданылады.
Оқи отырыңыз: Қазақстанда қорықшылардың лауазымдық еңбекақысы 2 есе артады
