Тікелей эфир

Білім министрі: Ата-анаға баласының жаман қылықтарын ғана айта берудің қажеті жоқ

Аймағамбетов жиналыс кезінде ата-анаға бірінші кезекте оқушының жетістіктерін де айту керектігін еске салды.

Мектептерге ата-аналар жиналысын өткізіп, өзара әрекеттесудің жаңа формаларын ұсындық, деп мәлімдеді БҒМ мектепке дейінгі және орта білім комитетінің төрайымы Гүлмира Кәрімова.

"Алдыңғы жылы барлық мектепке ата-аналар жиналысын өткізудің жаңа форматына көшу керек деген тапсырма бердік. Бұрынғыдай ата-аналарды жинап алып, оларға баласының үлгерімін, әртүрлі қылығын басқа ата-аналардың көзінше талқылаудың қажеті жоқ. Бұған таң қалудың да қажеті жоқ. Олардың баласын басқа адамдардың көзінше талқыға салып, тек жаман қылығын айта беретін болсақ, ата-аналар не үшін келеді? Сол себепті біз ата-аналар жиналысын өткізу бойынша жаңа тәртіп пен формат бойынша жұмыс істеу қажет екенін айттық. Педагогтік консилиум форматы сияқты", – деді Асхат Аймағамбетов.

Мұнымен қатар, министр ата-анаға баласына сабақ беретін әр ұстаздан алынған қажет ақпаратты, баласының оң жақтары, қай пәнді жақсы көретіні және қандай тақырыптар бойынша қосымша жұмыс істеу керегін айту қажет екеніне тоқталды.


Оқи отырыңыз: Аймағамбетов: Әнұран шырқау тәжірибесін мектептердің бәрінде жалғастыру керек


Бұдан өзге, БҒМ мектепке дейінгі және орта білім комитетінің төрайымы Гүлмира Кәрімова биылғы оқу жылында нормативтік-құқықтық құжаттарды ескере отырып тәрбие жұмысын ұйымдастыру тәсілдерінің өзектендірілгенін айтты.

"Тәрбие жұмысы отбасы, мектеп, қоғам сияқты барлық мүдделі тараптардың тең қатысуымен кешенді түрде жүргізілді. Мектеп пен ата-аналардың өзара әрекеттесуінің жаңа форматын жүзеге асыру аясында ата-аналар жиналысын өткізу формаларына ерекше назар аударылады. Оқу жылы бойы мектептерде онлайн және офлайн форматтарда ата-аналарға арналған лекториялар, ата-аналар кештері, ашық есік күндері, тренингтер өткізілді. Ата мектебі, әже мектебі, әке мектебі деген секілді мектептер құрылды. Қазіргі таңның жағдайында ашық есік форматында жиналыстар өткізу қажеттілігі туындайды. Бұл ата-анаға әрбір педагогпен жеке кездесуде өзінің баласы, оның табыстары мен жетістіктері туралы толық ақпарат алуға мүмкіндік береді", – деді Гүлмира Кәрімова.

Сондай-ақ, ол ата-аналар жиналасының форматы ата-аналармен өзара әрекеттесудің жаңа формаларын ұсынғаны туралы айтты. Бұл жеке, топтық, ұжымдық формалары болуы мүмкін.


Оқи отырыңыз: Мектепте дене шынықтыру сабағы қысқара ма?


 

Біздің Telegram-каналдағы ең көп оқылған жаңалықтар
Серіктестер жаңалықтары