4 пайыздық автонесие 20 қарашадан кейін қайта беріледі

Алайда қабылданатын өтінімдер саны шектеледі.

Жеңілдетілген автонесие бағдарламасы 20 қарашадан кейін қайта іске қосылады, деп хабарлады Kolesa.kz. 

Қазір мамандар процесс ашық болу үшін тек онлайн өтінім қабылдайтын арнайы порталдың жұмысын тексеріп жатыр. Өтінім беру алгоритмі кейінірек белгілі болады. 

Бұл жолы автонесие бұрын берілген несие қайтарымынан түскен қаражат есебінен беріледі. 

"Сондықтан бұл жолы көп өтінім қабылданбайды. Қаражат таусылған соң портал жабылады да, бір айдан кейін қайта қосылады. Ол ашылатын күнді оператор алдын ала хабарлайды", – делінген басылым хабарламасында.

2022 жылғы 1 қыркүйекке дейін банктер 13 307 несие мақұлдап, 11 мың автомобильдің кілтін иелеріне бергенін айтқан. Ақшаның револьверлік жолмен қайтуы жыл сайын 7.7 млн теңгелік — 1858 авто, 10 млн теңге тұратын 1430 машина алуға мүмкіндік береді. Осылайша 30 жылда елімізде 60 мыңға жуық автокөлік жаңарады.

Еске салайық, Индустрия және инфрақұрылымдық даму министрі Қайырбек Өскенбаев автонесие бағдарламасымен 2023 жылы 2 мың көлік сату жоспарланып отырғанын мәлімдеген болатын. 


Оқи отырыңыз: Жеңілдетілген автонесие: 2023 жылы 2 мың көлік сату жоспарланып отыр


 

Читайте новости без рекламы. Скачайте мобильное приложение informburo.kz для iOS или Android.

Поделиться:

 Если вы нашли ошибку в тексте, выделите её мышью и нажмите Ctrl+Enter

 Если вы нашли ошибку в тексте на смартфоне, выделите её и нажмите на кнопку "Сообщить об ошибке"

Популярное в нашем Telegram-канале

Серіктестер жаңалықтары