Қазақстанның үш өңірінде ғана энергия тапшылығы жоқ

20 қазан 2021, 10:50 Нұрболат Аманжол Авторға хат жазу قازاقشا Qaz

Олар – Атырау, Павлодар және Солтүстік Қазақстан облыстары.

Ranking.kz мәліметінше, биылғы сегіз айда Қазақстанда 74,9 млрд кВт·сағат электр энергиясы өндірілген. Бұл өткен жылдың сәйкес кезеңімен салыстырғанда 7,9%-ға артық.

Оның ішінде көмір жағу арқылы жұмыс істейтін жылу және газ-турбиналық электр станцияларының үлесіне Қазақстанда өндірілетін электр энергиясының 88,5%-ы (66,3 млрд кВт·сағат) тиесілі. Ал су электр станцияларының үлесі 6,2 млрд кВт·сағ немесе 8,3% болса, жаңартылатын энергия көздері электр энергиясының 3,2%-ын ғана (2,4 млрд кВт·сағат) береді.

Оқи отырыңыз:

Порталдың дерегінше, тек үш облыста ғана энергия профициті байқалған. Олар – Атырау, Павлодар және Солтүстік Қазақстан облыстары. Қалған өңірлерде қосымша энергияға деген қажеттілік бар. "Бұл жаңа қуаттылықтар енгізу қажеттілігін көрсетеді", – делінген портал талдауында.

Бұдан әрі саладағы мәселелер келтірілген. Олардың негізгілері:

өңірлердегі жылу энергетикалық нысандарының жаңғырту, қайта құру және жаңа қуаттылықтарды енгізуді қажет етуі;
энергия өндіретін тарататын жабдықтардың тозуы (Электр станцияларының өндіріс жабдықтарының орташа тозу деңгейі 53 пайызды құрайды).