2 аптада сырқаттанушылық пен өлім-жітім деңгейі 60% төмендеген.
Бүгін Covid-19 таралуына жол бермеу жөніндегі ведомствоаралық комиссияның отырысында Денсаулық сақтау министрі Алексей Цой елдегі эпидемиологиялық жағдай тұрақталғанын мәлімдеді. Соңғы 2 аптада сырқаттанушылық пен өлім-жітім деңгейі 60% төмендеген.
Осыған байланысты ВАК бірқатар шешім қабылдады:
- Биылғы 27 қыркүйектен бастап Ashyq бойынша "қауіпсіз" мәртебесі бар қызметкерлер мен келушілердің қатысуымен келесі іс-шараларды өткізуге рұқсат етіледі:
- 16 елмен әуе қатынасын жаңарту және ұлғайту. Олар – Ресей Федерациясы, Түркия, БАӘ, Өзбекстан, Германия, Мальдив, Корея, Польша, Венгрия, Италия, Чехия, Шри-Ланка, Қытай, Сауд Арабиясы, Кувейт, Әзербайжан.
- Қолайлы эпидемиологиялық ахуалы және халықты вакциналаудың жоғары деңгейі бар 30 шет мемлекетпен Қазақстан Республикасына кіру үшін визасыз режимді қайта бастау (Италия, Нидерланды, Франция, Германия, Испания, Жапония, БАӘ, Сауд Арабиясы, Кувейт, Польша Дания, Чили, Венгрия, Корея, Чехия, Бахрейн, Катар, Монако, Кипр, Исландия, Финляндия, Мальта, Швеция, Португалия, Лихтенштейн, Словакия, Люксембург, Канада, Сингапур, Бельгия).
Еске салсақ, коронавирустың нигериялық Eta штамының Қазақстанның 4 өңірінде тіркелгені туралы мәлімдеген едік. Денсаулық сақтау министрі Алексей Цой қазақстандықтарды вирустың таралу қаупін азайту үшін барлық алдын алу шарасын сақтауға шақырды.
