Бас прокуратура мен Ішкі істер министрлігінің Интерпол қызметкерлері Германия Федеративтік Республикасындағы Қазақстан Елшілігінің қолдауымен аса ірі көлемдегі алаяқтық жасады деп күдіктелген шетелдік азаматты Қазақстанға экстрадициялады.
Тергеу деректеріне сәйкес, аталған тұлға 2014 жылы алдын ала сөз байласқан адамдар тобымен бірге компьютерлік техниканы жеткізуге көмектесу сылтауымен қазақстандық кәсіпкердің 1 миллион АҚШ долларын алдау арқылы иемденген.
"Қылмыс жасағаннан кейін күдікті ізін суытып, оған халықаралық іздеу жарияланған. 2025 жылғы қыркүйекте ол Германия аумағында ұсталып, Бас прокуратураның сұрауы негізінде Қазақстанға жеткізілді. Қазіргі таңда күдікті тергеу изоляторына қамалды", – делінген хабарламада.
Заңнамаға сәйкес, оған мүлкін тәркілеумен қатар 10 жылға дейін бас бостандығынан айыру жазасы тағайындалуы мүмкін.