Коронавирусты анықтайтын тестті тегін тапсыруға болады. Ол үшін не қажет?

13 сәуір 2020, 17:04 Назерке Абибулла Авторға хат жазу قازاقشا Qaz

Тестілеуден өтетін адамдарды Денсаулық сақтау министрлігінің эпидемиологтары таңдайды.

13 сәуірден, яғни бүгіннен бастап Алматы және Нұр-Сұлтанда коронавирусты анықтайтын тегін экспресс-тестілеуден өтуге болады.

Тест "Олимп" клиникалық-диагностикалық зертханасында жүргізіледі. Тестілеуден өту үшін үміткер:

www.cdl.kz сайтында сауалнама толтыруы керек;
Денсаулық сақтау министрлігінің эпидемиологтары адамдардың эпидкөрсеткіштері негізінде іріктейді;
бекітілген тізімдер "Олимп" клиникалық-диагностикалық зертханасына жіберіледі;
бекітілген тізімдегі пациентке байланыс орталығының операторы хабарласып, қай жерге, қай уақытта келуі керектігін айтып, келушілерге қойылатын талаптар мен анализ тапсыру ережелерін түсіндіреді;
оператор нұсқаған процедуралық кабинетке маска киіп, жеке куәлікті алып, кешікпей келу керек;
кезекте тұрған адамдар бір-бірінен 1,5-2 метр қашықтықта болуы тиіс;
процедуралық кабинетте тіркеледі, кейін коронавирусқа экспресс-тест алынады;
анализ қорытындысы сауалнамада көрсетілген поштаға жолданады.

Оқи отырыңыз: Жазғы ыстықта коронавирус жойыла ма? Вирусолог мамандардың зерттеуі

Тест тапсыру үшін келесілерді білу маңызды:

оператордың қоңырауынсыз, өз бетімен процедуралық кабинетке келуге болмайды;
пациенттің температурасы тепловизормен өлшенеді;
дене қызуы жоғары адамнан анализ алынбайды;
экспресс-тестілеу арнайы процедуралық кабинеттерде өткізіледі, ол жерде басқа анализдер алынбайды.

Бұл шаралар келушілердің де, қызметкерлердің де денсаулығының қауіпсіздігін қамтамасыз ету үшін қабылданған.

Оқи отырыңыз: Ауруханалар карантин режимінде қалай жұмыс істейді?

Сауалнамада не жазылған?

Сауалнама Қазақстанның бас санитар дәрігерінің 2020 жылғы 22 наурыздағы №26 қаулысымен бекітілген. Денсаулық сақтау министрлігі сауалнама толтырушылардың жеке мәліметтері сол адамның және жақындарының қауіпсіздігі үшін эпидемиологиялық бақылауды қамтамасыз ету мақсатында ғана қолданылатынын ескертеді.

Оқи отырыңыз: Коронавирус қаупі жағдайында қорқынышты қалай жеңуге болады? Психоаналитик кеңесі

Сауалнама толтырған пациент ерікті түрде жазбаша келісім береді:

зертханалық зерттеуге биоматериалдар (қан, жағындылар және т.б.) алуға;
дайындық және қажет болған жағдайда анестезиологиялық іс-шараларға.

Сауалнаманы толтыру сіздің экспресс тестілеуге міндетті түрде шақырылатыныңызды білдірмейді. Іріктеуді эпидемиологтар жүргізеді.

Оқи отырыңыз: Коронавирустан сақтанудың ең дұрыс тәсілдері. Инфографика

Сауалнамада сұралатын ақпарат:

1. ЖСН, тегі, аты, әкесінің аты, туған жылы, электронды поштаны, телефон нөмірін, облыс/республикалық маңызы бар қала, тұрғылықты мекенжайы туралы ақпарат толтырасыз.

2. Келесі санаттың бірін таңдау керек:

жедел жәрдем қызметіне жүгінген респираторлық белгілері бар науқас;
коронавирус жұқтыру қаупі жоғары медицина қызметкері (карантин объектілерінде, медицина стационарында);
стационарда жатқан созылмалы аурулармен ауыратын науқас;
стационар карантинінен шығатын тұлға;
үй карантинінен шығатын тұлға;
халықпен тығыз жұмыс істейтін және коронавирус жұқтыру қаупі жоғары құқық қорғау және сот органдарының қызметкері;
халықпен тығыз жұмыс істейтін және коронавирус жұқтыру қаупі жоғары қоғамдық көлік жүргізушісі, коммуналды қызмет жұмысшысы;
эпидемиологиялық көрсеткіштер бойынша жалпы халық.

3. Жұмыс орны.

4. Қазіргі жағдайы: температура, ентігу, жөтел, бұлшықет ауруы, іш өту бар-жоғы туралы.

Оқи отырыңыз: #ҮйдеОтырыңыз. Карантин талаптарына қатысты 20 маңызды сұраққа жауап

5. Бастан өткерген симптомдар туралы: