Тікелей эфир

Екібастұзда жарық бағасын заңсыз көтерген монополисті тексеру басталды

Компания сенімсіз кәсіпорындармен 583 млн теңгеден астам қаржыға мәміле жасасқан деген күдік бар.

Екібастұз қаласында электр энергиясының бағасын заңсыз өсіру фактісі бойынша тергеу басталды, деп хабарлады Қаржылық мониторинг агенттігі.

Агенттіктің Павлодар облысы бойынша департаменті қаладағы электр энергиясын жеткізу және таратумен айналысатын компанияға қатысты монополистік әрекет белгілеріне байланысты тексеру жүргізіп жатыр.

"Кәсіпорынның 2019-2020 жылдары сенімсіз кәсіпорындармен 583 млн теңгеден астам сомаға жөндеу жұмыстарын жүргізу бойынша мәмілелер жасағаны туралы күдік бар. Бұл өз кезегінде  көрсетілген мерзімде тарифтік жоспардың өсуіне әсер етуі мүмкін", – делінген ҚМА хабарламасында.

Қазір сотқа дейінгі тергеу жалғасып жатыр. Агенттік тергеу мүддесіндегі басқа ақпарат жария етілмейтінін хабарлады.


Оқи отырыңыз: "60 мың үйге жарық береді". Алматы облысындағы жел станциясының құрылыс алаңынан репортаж


 

Біздің Telegram-каналдағы ең көп оқылған жаңалықтар
Серіктестер жаңалықтары