Биыл грант байқауына құжаттар 13-20 шілде аралығында қабылданады. Қандай құжаттар керек

Ұлттық тестілеу орталығы биыл грант байқауына құжаттар қабылдау ҰБТ тестілеуі аяқталған соң, 13-20 шілде аралығында өтетінін еске салды. 

Құжаттарды жоғары оқу орындарының қабылдау комиссиялары арқылы офлайн немесе eGov арқылы онлайн тапсыруға болады.

Грант байқауына қатысу үшін келесі құжаттарды әзірлеу қажет:  

• жеке куәлік;
• ҰБТ сертификаты;
• 3х4 көлеміндегі фото;
• орта білім туралы аттестат немесе колледж түлектері үшін диплом;
• жеңілдетілген санат бойынша конкурсқа қатысу үшін растайтын құжаттар;
• B167 "Ұшу аппараттарын және қозғалтқыштарды ұшырып пайдалану" мамандығы үшін дәрігерлік ұшу-сараптамалық комиссиясының медициналық куәландыруы керек.

Информбюроның грант байқауы қалай өтетіні туралы түсіндірме материалын осы жерден оқи аласыздар.