30 шілде 2020, 17:07 • Роза Әрен

Тамыз айында табысынан айырылған азаматтар 21250 теңге алады

Қаз Qaz قازاق

Карантиннің 2 аптаға созылуына байланысты тұрғындарға 42500 теңгенің жартысы төленеді.

Премьер-министрдің орынбасары Ералы Тоғжанов тамыз айында табысынан айрылған қазақстандықтарға берілетін әлеуметтік төлем туралы айтты:

Президент Қасым-Жомарт Тоқаевтың тікелей тапсырмасымен, 2 аптаға созылған карантин уақытында азаматтарға әлеуметтік төлем тағайындалады. Оның көлемі 21 250 теңге болмақ. Қазақстандықтар осы соманы міндетті түрде алады.

Әлеуметтік төлем алу үшін Egov.kz, 42500.enbek.kz порталдары, telegram-боттар және екінші деңгейлі банктердің мобильдік қосымшалары арқылы өтініш беруге болады. Өтініш қабылдау уақыты 2020 жылдың 1 қыркүйегіне дейін жалғасады.

Оқи отырыңыз: 42500 теңге. Шілде айында бұл әлеуметтік төлем кімдерге беріледі?

Шілде айында 42500 теңге әлеуметтік төлемін алған азаматтарға карантин шараларының 2 аптаға созылуына байланысты ҚР ең төменгі еңбекақының жартысы автоматты түрде аударылады. Ал, әлеуметтік төлемге карантин ұзартылғаннан кейін алғаш рет өтініш берген жандарға 63750 теңге (42500 теңге + 21250 теңге) тағайындалады.

30 шілдеге дейін Міндетті әлеуметтік сақтандыру қорынан бір реттік төлем алуға 2,3 миллионнан астам адам өтініш берген. Қазірге дейін әлеуметтік төлем 2 млн 80 мың адамға тағайындалды. Ал, 2 млн 58 мың азаматқа ақша аударылды.

Естеріңізге сала кетсек, Қазақстанда карантин шаралары тағы екі аптаға созылған болатын. Карантин уақыты 17 тамызда аяқталады деп күтілуде.

Подтверждение Email

Телефон нөмірін растау

Өтініш беру себебін сипаттаңыз