Нұр-Сұлтанда 22 наурыздан бастап қоғамдық көлік қалыпты режимде жұмыс істейді

18 наурыз 2021, 11:22 Назерке Абибулла Авторға хат жазу قازاقشا Qaz

Дезинфекциялық жұмыстар жүргізілуіне байланысты 21 наурызда қоғамдық көлік жұмысы тоқтатылады.

22-24 наурыз аралығында Наурыз мейрамын мерекелеу күндері Нұр-Сұлтанда қоғамдық көлік қалыпты режимде жұмыс істейді, деп хабарлайды City Transportation Systems.

Жексенбі күні, 21 наурызда қалада және қала маңына қатынайтын бағдарлардың қозғалысы бір күнге тоқтатылады. Қоғамдық көлік Нұр-Сұлтан қаласының бас мемлекеттік санитарлық дәрігерінің қаулысына сәйкес бір күн жұмыс істемейді. Бұл күні дезинфекциялық жұмыстар жүргізіледі.

Посмотреть эту публикацию в Instagram

Публикация от City Transportation Systems (@cts_kz)

Басқа күндері, соның ішінде сенбі күні қалада және қала маңына қатынайтын бағдарлар қалыпты режимде жүреді. Автобусқа маскасыз кіруге болмайды. Жол ақысы қолма-қол ақшасыз төленеді.

Осыған дейін елордада 21 наурызда локдаун енгізіліп, дезинфекциялық жұмыстар жүргізілуіне байланысты жексенбі күні қоғамдық көліктің жұмысы тоқтатылады деп жазған болатынбыз.