Қазақстаннан Дубайға әуе билеттері арзандайды

ҚР ИИДМ Азаматтық авиация комитеті БАӘ авиациялық биліктерімен бірлесіп, мереке күндері мен каникул кезеңінде авиабилеттердің құнын төмендету мақсатында БАӘ-ге рейстер санын көбейту туралы шешім қабылдағанын хабарлады.

"Мәселен, 2022 жылғы 29 желтоқсаннан бастап 2023 жылғы 14 қаңтарға дейін Fly Dubai әуе компаниясы Астана – Дубай және Алматы – Дубай бағыттары бойынша қосымша 10 рейсті орындауды жоспарлап отыр. Рейстер Б-737 типті әуе кемелерінде орындалады" делінген министрліктің ресми хабарламасында.

Ақпаратқа сәйкес, рейстер санының артуы ҚР мен БАӘ арасындағы сауда-экономикалық ынтымақтастықты одан әрі дамытуға ықпал етеді.

Оқи отырыңыз: Қазақстанда арзан әуе билеттерін қалай сатып алуға болады?