
Қазақстан мұсылмандары діни басқармасы қасиетті Рамазан айының басталуына 30 күн қалуына орай дәстүрлі күн сайынғы хабарлама таратуды бастады.
Діни басқарма бекіткен 2025 жылғы діни күндер кестесіне сәйкес, биыл Рамазан айының алғашқы күні көктемнің бірінші күніне, яғни 1 наурызға сәйкес келеді. Кесте бойынша, биыл ораза 29 күнге созылады. Дегенмен, Ал Қадір түні – наурыздың 26-сынан 27-сіне қараған түн.
Дегенмен, жаңа айдың көрінуіне байланысты бұл күндер бір күн алға не бір күн кейін шегерілуі мүмкін екенін ұмытпау керек.

Діни басқарма Рамазан айы басталмай тұрып, өткен жылдағы қаза болған ораза күндерін толықтырып қойған абзал екенін ескертеді. Сонымен қатар, ақшалай қарыздарды да қайтарып қойған жөн.
Оразаға қатысты парыз бен сүннеттерді, оразаны бұзатын, бұзбайтын амалдарды, оразадағы жеңілдіктерді тағы бір мәрте оқып-біліп алған жөн.
Оқи отырыңыз:
- Ораза қазасы немесе қарызы. Оны қалай өтейді?
- ҚМДБ 2025 жылғы діни күндер кестесін бекітті. Ораза 1 наурыздан басталады
- Мектеп оқушыларының ораза ұстағаны дұрыс па?