Экономист: Халықтың табыс деңгейі Африка елдерімен пара-пар

Ұлттық статистика бюросының мәліметінше, қазақстандықтар табысының 53 пайызын азық-түлікке жұмсайды.

Ұлттық статистика бюросы таратқан ресми мәлімет бойынша, қазақстандықтар тапқан табысының 53 пайызын, яғни жартысынан көбін азық-түлікке жұмсайды. Бұл нені білдіреді? Сауалға 31 арна эфирінде экономист Бауыржан Исабеков жауап берді.

Экономистің сөзінше, дамыған елдерде халық табысының 10 пайызын азық-түлік алуға жұмсаса, Шығыс Еуропа елдерінің өзінде бұл көрсеткіш 18 пайыздан әрі аспайды.

"Тіпті, Румынияның өзінде адамадар табысының 24 пайызына азық-түлік алады. Ал біздегі 53 пайыздық көрсеткіш қазір Африка елдерінің жағдайымен пара-пар. Бұл – өте төмен көрсеткіш", – деді Бауыржан Исабеков.


Оқи отырыңыз: "Мен – банкротпын": Қандай жағдайда қарызды қайтармауға болады?


Жағдайды түземесе, халықтың әлеуметтік-экономикалық жағдайы одан әрі нашарлай түсетінін айтқан ол, сондай-ақ, мәселені шешу үшін қысқа, орта және ұзақмерзімдегі шешімдер қабылдануы қажеттігін атады.

"Мәселен, негізгі төрт салықтың түсімін республикалық бюджетке аудармай, халықтың әл-ауқатын арттыру мақсатында жергілікті аумақтық бюджетте қалдыру керек. Екіншіден, халыққа салық жеңілдіктері берілуі тиіс. Үшіншіден, табиғи байлықтарды игеруден түсетін ренттік салықтарды халықтың әлеуметтік-экономикалық жағдайын реттеуге бағыттау қажет", – деді экономист.

Читайте новости без рекламы. Скачайте мобильное приложение informburo.kz для iOS или Android.

Поделиться:

 Если вы нашли ошибку в тексте, выделите ее мышью и нажмите Ctrl+Enter

Серіктестер жаңалықтары