Алматы облысының Іле ауданындағы Жетіген ауылы облыстық маңызы бар қалалар санатына жатқызылады. Ол Алатау қаласы деп аталады. Бұл туралы Ашық НҚА порталындағы президент жарлығының жобасынан белгілі болды.
"Алматы облысы Іле ауданының Жетіген ауылы облыстық маңызы бар қала санатына жатқызылсын. Алматы облысында құрылған жаңа қалаға "Алатау" атауы берілсін" делінген жарлықтың жобасында.
Еске салайық, Алматы облысында құрылып жатқан G4 City арнайы экономикалық аймағының атауын Alatau деп өзгерту жоспарланып отыр. Өзгертулер жобасында арнайы экономикалық аймақтың аумағы бойынша да өзгеріс бар. Бастапқы қаулыда аймақ аумағы аймақ аумағы 30 мың гектарды құраса, жаңа жобада 96 560 гектар аумақ көрсетілген.
Оқи отырыңыз: G4 City енді Alatau арнайы экономикалық аймағы деп аталады
Жарлық жобасын жария талқылау мерзімі – 29 қарашаға дейін.
