14-30 наурызда өтетін ҰБТ сынағына өтініш қабылдау басталды

20 ақпан мен 10 наурыз аралығында ақылы ұлттық бірыңғай тестілеуге қатысу үшін өтініштер қабылданады, деп хабарлады ҒЖБМ Ұлттық тестілеу орталығы.

Биылғы екінші ҰБТ 14-30 наурыз аралығында өтеді.

Ұлттық тестілеу орталығының хабарлауынша, ҰБТ-ға келесі азаматтар қатыса алады:

• мектептің 11 (12) сынып оқушылары;
• мектеп және колледждің өткен жылғы түлектері, колледждің биылғы түлектері;
• ЖОО-ға шартты түрде қабылданған студенттер;
• шетелде білім алған түлектер, ҚР азаматы болып табылмайтын, шетелде білім алған ұлты қазақ адамдар.

---

Оқи отырыңыз: 

• ҰБТ-2023: Жаңа формат қандай? Талапкерлерге арналған жадынама
• 2023 жылғы ҰБТ-ға дайындалуға арналған оқулықтар тізімі жарияланды

---

ҰБТ тапсыру құны – 4230 теңге.

"ҰБТ сынағына қатысушылар тіркелу кезінде тестілеу өтетін орынды, күнді және уақытты өз еркімен таңдайды" делінген ҰТО хабарламасында.

---

Оқи отырыңыз: 

• Қаңтарда ҰБТ тапсырған 21 мыңға жуық талапкер шекті балл жинай алмады
• ҰБТ-2023: Қаңтарда "Химия-Физика" бейіндік пәндерін таңдағандар 1 пайызға да жетпейді

---

Еске салайық, қаңтар айында өткен ҰБТ сынағына 123 мыңға жуық талапкер қатысып, олардың орташа нәтижесі 76 балды құрады. 102 мың талапкер шекті балл (50 балл) жинай алды.

Тест тапсырушылардың 95 мыңы (77%) – қазақ тілінде, 28 мыңы (23%) – орыс тілінде, 91 түлек ағылшын тілінде тест тапсырған.