Алматылықтар 21 мамырда вакцина алғандар арасында ұтылыссыз акция өтетіні туралы хабарлама алып жатыр.
"21 мамыр, жұмада "Строй Сити", "Ақ бұлақ" сауда орталықтары "Жібек жолы" базары, коронавируске қарсы вакцинаның бірінші компонентін 21 мамырда алғандар арасында ұтылыссыз лоторея ойнатылады. Спутник V (Гам Ковид Вак, Ресей) мен Hayat Vax вакциналарының бірін таңдауға болады", – делінген хабарламада.
Оқи отырыңыз: Екпе алған "АрселорМиттал Теміртау" қызметкерлеріне 10 мың теңгеден сыйақы төленеді
Шаңсорғыш, қысқатолқынды пештер, ыдыстар жинағы, фен және басқа көптеген сыйлықтар ойнатылады. Акция 21 мамырда сағат 9.00 – 17.00 аралығында өтеді.
Ақпаратты Алматы қоғамдық денсаулық басқармасы растады. "Бұл фейк емес, ұйымдастырылған акция", – деді басқарманың баспасөз қызметі.
Шараны Алатау ауданының әкімдігі аймақтық медициналық ұйымдармен және аймақ кәсіпкерлерінің қолдауымен, "Строй Сити", "Ақбұлақ" және "Жібек Жолы" сауда орындары ұйымдастырып жатыр.
Вакцинация жүргізетін тұрғындар вакцинация рәсімінен өткеннен кейін лотерея барабанына барады, сол жерден олар сыйлықтың атауы көрсетілген шарларды алады.
