Алтын бұйымдарды қалай тазартуға болады? Әйелдерге арналған 5 әдіс

Кей әдістер ақ алтынды тазартуға жарамайды.

Кез келген алтын бұйым уақыт өте келе қараяды. Бұл алтын құрамындағы лигатурды тот басуымен байланысты. Оны әдетте алтын бұйым қатып тұруы үшін қосады. Мұнымен қатар, теріден бөлінетін заттар, ыдыс жуатын құралдардың қалдығы, косметика – бәрі алтын бұйымда қалып қояды. Үйде алтын бұйымдарыңызды қалай тазалау керегін білмесеңіз, төмендегі 5 әдісті қолданып көріңіз.

Сурет: depositphotos.com

Мүсәтір спирті

Бұл спирт керек кезде адамға есін жиюға көмектесіп қана қоймай, алтын бұйымдарды да тазарта алады. Ол үшін:

  • бір стақан суға 5-7 тамшы мүсәтір спиртін тамызыңыз;
  • алтын бұйымдарды осы қоспаға 30 минутқа салыңыз;
  • кейін бұйымдарды ағып тұрған сумен шайыңыз;
  • бұйымдарды кептіріп, кейін арнайы микрофибрадан жасалған майлықпен жылтырағанша сүртіңіз.

Назар аударыңыз! Мүсәтір спиртін пайдаланған соң бөлменің ауасын жақсылап тазарту керек.

Сурет: depositphotos.com

Сірке суы

Бұл әдіспен сары және қызыл, тастары жоқ алтынды ғана тазалай аласыз.

  • 9 пайыздық сірке суын суға құйып, жақсылап араластырыңыз;
  • бұйымдарды осы қоспаның ішіне 5-10 минутқа салып қойыңыз;
  • кейін бұйымдарды жылы сумен шайыңыз.
  • жартылай кепкен бұйымдарды микрофибра, фетра немесе фланельмен жақсылап сүртіңіз.

Назар аударыңыз! Ақ алтынды сірке суымен тазаламаған жөн.


Оқи отырыңыз: Қантсыз әзірлеуге болатын 10 түрлі тосап


 

Сурет: depositphotos.com

Тіс пастасы

Ешқандай артық қосындысы жоқ тіс пастасын алыңыз. Өйткені, ағартатын әсері бар тіс пастасы металды сырып кетуі мүмкін. Түссіз гельге ұқсас түрі ыңғайлы.

  • пастаны материалдан жасалған майлыққа жағыңыз;
  • кейін бұйымды осы майлықпен сүртіңіз;
  • бұйымды ағып тұрған судың астында жуыңыз;
  • бұйымды шүберекпен кепкенше сүртіп, кейін микрофибра, фетра немесе фланельді қолданыңыз.

Сурет: depositphotos.com

Көз линзаларына арналған құралмен тазалау

Линзаны сақтауға арналған сұйықтық та алтын бұйымды тазартуға көмектеседі. Бұл үшін осы сұйықтықтың ішіне алтын бұйымды 1-2 сағатқа салып қою қажет. Ол барлық ақуыз қалдықтарын ерітеді. Кейін бұйымды ағып тұрған судың астында жуып, микрофибра майлығымен сүрту жеткілікті.  

Сурет: depositphotos.com

Алтынды лимон қышқылымен тазалау

Бұл әдіспен сары және қызыл алтынды ғана тазалаған жөн.

  • 200 мл суға ¼ қасық лимон қышқылын салып араластырыңыз. Кристалдардың толықтай ерігеніне көз жеткізіңіз;
  • алтын сырға, жүзік және алқаны ішіне 5-7 минутқа салыңыз;
  • бұйымдарды ағып тұрған судың астында жуыңыз;
  • алтын бұйымдардың кепкенін күтіңіз немесе матамен сүртіп кептіріңіз. Әбден кепкен соң микрофибра, фетра және фланельмен сүртіңіз.

Оқи отырыңыз: Тұмау маусымы басталды: Иммунитетті нығайтатын шайдың 8 түрі


 

Читайте новости без рекламы. Скачайте мобильное приложение informburo.kz для iOS или Android.

Поделиться:

 Если вы нашли ошибку в тексте, выделите её мышью и нажмите Ctrl+Enter

 Если вы нашли ошибку в тексте на смартфоне, выделите её и нажмите на кнопку "Сообщить об ошибке"

Серіктестер жаңалықтары