22 қыркүйек күні Алматыдағы Қазақ ұлттық онкология және родология ғылыми-зерттеу институты ерлердің денсаулығына арналған ашық есік күнін өткізеді. Мамандар шара барысында тегін ПСА онкомаркеріне анализ алып, урологиялық УЗИ-ден өткізеді.
Қатерлі ісікті зерттейтін халықаралық агенттік мәліметінше, 2020-2021 жылдары тағы 19,3 миллион адамнан қатерлі ісік анықталды. Ал осы індеттен көз жұмғандар саны 10 миллионға жетті. Яғни Жер бетіндегі әрбір бесінші тұрғын өмірінде бір рет қатерлі ісікке шалдығады. Олардың ішінде әрбір он бірінші әйел мен сегізінші ер адам көз жұмады.
Мұнымен қатар, обыр диагнозы қойылғанына бес жыл болған науқастардың саны өсіп, 50,6 миллионға жеткен. Ал Қазақстанда 2020 жылы онкологиялық ауруларға шалдыққандар саны 190 159 науқас болды. Осы орайда, онкология институтының жетекші мамандары мен онкоурологтары Абай даңғылы, 91 мекенжайы бойынша, сағат 09:00-13:00 аралығында кеңес береді.
Еске салсақ, ҚазҰУ ғалымдарының суда еріп, толық ыдырайтын биологиялық пластик әзірлегені туралы хабарлаған едік. Қазіргі таңда мамандар патент алу үшін құжаттарды рәсімдеп жатыр.