ҰБТ-ға дайындалуға арналған онлайн тест сынағы іске қосылды

Ұлттық тестілеу орталығы ұлттық бірыңғай тестілеуге дайындалуға арналған онлайн байқау сынағы іске қосқанын хабарлады.

Онлайн тест сынағында 2023 жылы өтетін тестілеуге енгізілген өзгерістердің бәрі қамтылған. Атап айтқанда, "Математика-Информатика" бейіндік пәндер комбинациясы қосылып, жауап нұсқаларының саны азайтылған. Жаңа өзгерістерге сәйкес, үміткерлер дайындық тестінде де "Қазақстан тарихынан" – 20 сұраққа, ал "Оқу сауаттылығынан" – 15 сұраққа жауап береді.

Онлайн тестілеуге қалай қатысуға болады?

• Тегін байқау сынағын өту үшін prob-ent.testcenter.kz сілтемесі арқылы өту қажет. Жеке сәйкестік нөмірін жазып, "ары қарай" деген батырманы басу керек. Сервис құпия сөз енгізуді қажет етпейді.  
• Ақылы байқау сынағын өтушілерге cabinet.testcenter.kz сілтемесі арқылы өтіп, сайтта тіркелу қажет. Тестілеудің бір нұсқасын тапсыру – 602 теңге.

Оқи отырыңыз: 

• 2022 жылы неге ҰБТ сынағы болмайды?
• ҰБТ-2023: Үміткерлерді қандай өзгерістер күтіп тұр?
• Руслан Емелбаев: Мамыр айында ҰБТ өткізбеуді жоспарлап отырмыз
• Колледж түлектері университетке түсу үшін екі пәннен ғана ҰБТ тапсырады