Қазақстандық дуэт халықаралық байқауда гран-при иеленді

"Роза Бағланова атындағы Қазақконцерт" МКО солистері Темірлан мен Ернат Open Italy - 2023 музыкалық байқауында гран-при иеленді, – деп хабарлайды ҚР Мәдениет және спорт министрлігі.

Италияда өнер көрсеткен байқауға дуэт Мәдениет және спорт министрлігінің қолдауымен барды. Олар 24 елдің қатысушылардың арасында үздік деп танылды. 

"Мен Темірлан мен Ернатты жарқын жеңісімен құттықтаймын. Жігіттердің қазақ музыкасын орындай отырып, халықаралық деңгейде жетістікке жеткені қуантады. Олардың өнері басқа талантты отандастарымызды шабыттандыратынына сенімдімін!", – деп құттықтады Мәдениет және спорт министрі.

Инструментальды дуэт "Адай", "Көроғлы", "Әлқисса" күйлерін, О. Сүлейменовтің West шығармасын орындады.