Қазақстанда "Жасыл ипотека" бағдарламасына бір ғана тұрғын үй кешені сай келеді

Мамандар мұндай тұрғын үйлер саны алдағы уақытта артатынына сенімді.

Биыл іске қосылатын "Жасыл ипотека" бағдарламасының талаптарына қазіргі таңда бір ғана тұрғын үй кешені сай келеді. Бұл туралы Отбасы банкінің өкілі Батыр Нұрболат мәлімдеді.

Жасыл ипотека – "жасыл стандартқа" сәйкес келетін тұрғын үйден сатып алу үшін берілетін жаңа тұрғын үй несиесі. Бағдарлама қоршаған ортаны қорғау, азаматтардың денсаулығын сақтау мақсатында әзірленген. Оған табиғатқа зияны тимейтін құрылыс материалдарын пайдаланып үй салып жатқан компаниялар ғана қатыса алады. 

"Қазақстанда әзірге "жасыл стандартқа" сай, "Өмір" сертификаты бар бір ғана тұрғын үй кешені бар. Ол – Астанадағы Grand Victoria тұрғын үй кешені. Құрылыс компаниясы – Best building ЖШС. Осы жерден "жасыл ипотека" арқылы 1, 2 не 3 бөлмелі пәтерді "Жасыл ипотекамен" алуға болады, – деді Батыр Нұрболат. 

Ол "Жасыл ипотека" бағдарламасына қатысатын компаниялар саны алдағы уақытта артатынын айтып отыр. "Жасыл ипотека" бағдарламасына қатысушы құрылыс компаниясында ұлттық "Өмір", ресейлік "Р МЕМСТ", халықаралық Bream немесе Leed стандарттарына сәйкестік сертификаты болуы керек.


Оқи отырыңыз: "Жасыл ипотеканың" негізгі шарттары белгілі болды


Еске салайық, жаңа тұрғын үй бағдарламасы бойынша өтініштерді қабылдау 4 қаңтарда басталды

Жаңалықты жарнамасыз оқыңыз. iOS және Android жүйесіне арналған informburo.kz мобильді қосымшасын жүктеңіз.

Тарату:

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Біздің Telegram-каналдағы ең көп оқылған жаңалықтар

Серіктестер жаңалықтары