Қазақстанда сталкинг қылмыс деп танылды. Заң бұзғандарға айыппұл мен қамау жазасы қарастырылады

16 қыркүйек 2025, 14:00 Жазира Пірімқұл Авторға хат жазу قازاقشا Qaz

Қазақстанда сталкинг қылмыстық жауапкершілікке енгізілді.

Ішкі істер министрлігі 16 қыркүйектен бастап сталкинг үшін қылмыстық жаза қолданылатынын хабарлады, деп жазады Polisia.kz.

Заңға енгізілген түзетулерге сәйкес, зорлық-зомбылық болмаса да, адамның психологиялық жағдайына елеулі зиян тигізетін әрекеттер сталкинг деп танылады. Оған:

адамның жеке шекарасын бұзу;
еркінен тыс ізіне түсу;
қайта-қайта қоңырау шалу;
интернет арқылы бақылап, қорқыныш немесе алаңдаушылық туғызу жатады.

Оқи отырыңыз: Қыз алып қашу – дәстүр ме, қылмыс па? Ара-жігін қалай ажыратамыз

Мұндай әрекеттер үшін:

200 АЕК-ке дейін айыппұл (2025 жылы 786 400 теңге);
200 сағатқа дейін қоғамдық немесе түзеу жұмыстары;
50 тәулікке дейін қамау жазасы қарастырылған.

Сонымен қатар Қылмыстық кодекске жаңа 125-1-бап – "Некеге мәжбүрлеу" енгізіліп, ол да қылмыстық құқықбұзушылық ретінде белгіленді.