2022 жылдың 28 наурызында Қазақстан Республикасы Алматы қаласынан Польшаның Катовице қаласына Украина азаматтары үшін гуманитарлық көмектің кезекті партиясын жіберді, деп хабарлайды ҚР төтенше жағдайлар министрлігі.
Жалпы салмағы 17,5 тонна болатын жүк төсек-орын және тамақ сияқты қажетті заттарды қамтиды.
"Бұған дейін Қазақстан жалпы салмағы 28,2 тонна болатын 17 түрлі дәрі-дәрмек – антибиотиктер, қабынуға қарсы, жөтелге қарсы және антигипертензивті препараттар түрінде гуманитарлық көмек жіберген болатын. Көрсетілген көмек Украина тарапының өтініші негізінде мемлекет басшысының бұған дейін берген тапсырмасына сәйкес жүзеге асырылды", – делінген хабарламада.
Қайтар жолда жүкті жеткізген "Бүркіт" мемлекеттік әуекомпаниясының Ил-76 ұшағы қазақстандық дипломаттардың көмегімен Украинадан Польшаға келген ондаған ҚР азаматтары мен олардың отбасы мүшелерін алып келеді деп жоспарланып отыр.
Оқи отырыңыз: Ресей мен Украина шиеленісі Қазақстанға қалай әсер етуі мүмкін?
