Қаңтар оқиғасына қатысушыларға бір реттік рақымшылық жасалады

"Маған құқық қорғаушылар, адвокаттар қауымдастығының өкілдері бірнеше рет өтініш жолдады. Олар елді жаппай тәртіпсіздікке үндеген адамдарды қатаң жазалау қажет екенін айтты. Бұл – орынды ұсыныс. Сондықтан өкілетті органдарға осы мәселені қарастырып, нақты шара қабылдауды тапсырамын", – деді президент.

Президент кез-келген ашық арандатушылыққа және заңсыз іс-әрекетке қатаң тосқауыл қою қажет екенін айтты. Ел ішіне іріткі салған және заң бұзуға шақырған адамдар қатаң жазадан құтылмайтынын да атап өтті.

Оқи отырыңыз: Студенттерге оқу ақысын төлеу үшін 2-3 пайыздық несие беріледі

Сонымен қатар президент қаңтар оқиғасына қатысушыларға бір реттік рақымшылық жасалатынын жеткізді.

"Бізге ел бірлігі ауадай қажет. Ереуілге қатысқандар да, күштік құрылым қызметкерлері де – өз азаматтарымыз. Олар сот әділ өтеді деп қана емес, қоғам кешірімді болады деп үміттеніп отыр. Мемлекет қаңтар оқиғасына қатысқан, бірақ ауыр қылмыс жасамаған азаматтардың жазасын жеңілдетті. Заң бұзғандардың бірқатары кінәсін түсініп, өткен іске өкініп отыр. Оларға кешіріммен қараған дұрыс деп ойлаймын. Сондықтан, мен қаңтар оқиғасына қатысушыларға бір реттік рақымшылық жариялау туралы шешім қабылдадым", – деді президент.

Алайда президент тәртіпсіздіктерді ұйымдастыруға қатысы бар негізгі айыпталушыларға, сондай-ақ мемлекетке опасыздық жасады және билікті күшпен ауыстыруға әрекеттенді деп айыпталғандарға рақымшылық жасалмайтынын қосты.

Оқи отырыңыз: "Қазақстан Темір Жолы" компаниясы қайта құрылады