Олимпиада ойындары Парижде 26 шілде мен 11 тамыз аралығында өтеді.
Францияда Олимпиада алауының эстафетасы басталды, деп хабарлады Euronews.
Эстафета елдің оңтүстігіндегі Марсель қаласына "Белем" желкенді қайығымен Грекиядан жеткізілген. Франция аумағында алауды франциялық суда жүзуші, 2012 жылғы Олимпиада ойындарының жеңімпазы Флоран Маноду қабылдап алды. Бұл салтанатты рәсімді 50 мыңға жуық адам тамашалады.
Еске салайық, 2024 жылғы Олимпиада ойындары Парижде 26 шілде мен 11 тамыз аралығында өтеді. Қазақстан қоржынында Париж Олимпиадасының 50 лицензиясы бар.
Оқи отырыңыз: Олимпиада тарихта үш рет өтпей қап, бір рет шегерілген. Дүбірлі додаға қатысты 10 қызық мәлімет
