Депутаттар шешімді бірауыздан қолдады.
Парламент сенаты төрағасының орынбасары болып Ольга Перепечина сайланды.
Конституциялық нормаларға сәйкес, палата төрағасының орынбасарына кандидатураны cенат төрағасы ұсынады. Осы құқықты пайдалана отырып бұл лауазымға Ольга Валентинқызы Перепечинаның кандидатурасын ұсынамын. Ольга Валентинқызы өз ісінің нағыз маманы, тәжірибелі сенатор. Соңғы төрт жылдан астам уақытта сенаттың қаржы және бюджет комитетін басқарды, – деді сенат төрағасы Мәулен Әшімбаев.
Регламентке сәйкес, палата төрағасының орынбасарын сайлау туралы қаулы ашық дауыс беру арқылы қабылданды. Депутаттар шешімді бірауыздан қолдады.
Еске салсақ, сенаторлар мемлекеттік бастамаларды Елбасымен келісу қажеттілігін жоюды ұсынды.
