Тікелей эфир

Сенаторлар мемлекеттік бастамаларды Елбасымен келісу қажеттілігін жоюды ұсынды

Түзетулерде Елбасының қауіпсіздік кеңесінде және Қазақстан халқы ассамблеясында өмір бойы төрағалық ету құқығының күшін жою көзделеді.

Норма бүгін палатаның жалпы отырысында сенаторлар қараған "Тұңғыш президент – Елбасы туралы" конституциялық заңда жазылған. Сондай-ақ, депутаттар "Қауіпсіздік Кеңесі туралы" және "Қазақстан халқы Ассамблеясы туралы" заңдарға бұрын ұсынылған өзгерістер мен толықтыруларды талқылады.

Түзетулерде Елбасының қауіпсіздік кеңесінде және Қазақстан халқы ассамблеясында өмір бойы төрағалық ету құқығының күшін жою көзделеді.

"Сенаторлар заңнамаға енгізіліп отырған мемлекетіміздің қауіпсіздік кеңесін, Қазақстан халқы ассамблеясын мемлекет басшысы өзінің қызметіне сәйкес басқаруы тиіс деген өзгерістерді қолдады. Сонымен қатар, заңды талқылау барысында бір норма енгізіліп отыр. Ол – "Тұңғыш президент туралы" заңнан мемлекеттің ішкі және сыртқы саясатына байланысты бастамаларды Елбасымен келісілуге тиіс деген норма алып тасталып отыр. Сондықтан да сенат заңнамаға енгізілген өзгерістерді тұжырымдамалы түрде қолдап, бір өзгеріспенен мәжіліске қайтарды", – деп атап өтті сенатор Ләззат Сүлеймен.
    

Енді бұл түзетуді мәжіліс депутаттары қарайды және қабылданған жағдайда заң жобасы президентке қол қоюға жіберіледі.

Еске салсақ, мәжіліс депутаты "Оператор РОП" қызметіне шұғыл тәуелсіз аудит жүргізуді ұсынған болатын. Еділ Жаңбыршиннің айтуынша, жиналған қаржының 10%-ы ғана утильге бағытталған.

Бұл мақала сізге пайдалы болды ма?
0

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Біздің Telegram-каналдағы ең көп оқылған жаңалықтар
Серіктестер жаңалықтары