"Мұқағали" көркем фильмі Шотландияда өткен халықаралық Сент-Эндрюс кинофестивалінде бес бірдей жүлдені жеңіп алды, деп хабарлады "Қазақфильм".
Кинорежиссер Болат Қалымбетовтың туындысы кинофестивальде гран-при және "үздік кинодраматург", "үздік кинорежиссер", "үздік оператор", "үздік актер" аталымдары бойынша жеңімпаз атанды.
"Мұқағали" көркем фильмі бір жылда 10 халықаралық сыйлыққа ие болды. Бұл бұрын-сонды болмаған үлкен қуанышты жаңалық. Барша қазақ киносын қадірлейтін көрермендерге алғысымды білдіремін. Қазақтың ұлы ақының ұлықтаған фильм жастарға тек шабыт берсін, Мұқағали атамыздың өнерін дарытсын деп тілегім келеді! Тәуелсіздік күні қарсаңында әлемнің белді сыншылары өз бағасын берген бұл жүлделер- қазақ халқының ортақ жеңісі!", – деді фильмнің режиссері Болат Қалымбетов.
Оқи отырыңыз: "Мұқағали" халықаралық кинофестивальде бас жүлдеге ие болды
Фильмді Мәдениет және спорт министрлігінің тапсырысы бойынша Шәкен Айманов атындағы "Қазақфильм" киностудиясы түсірген.
