Тікелей эфир

"Қазақстан халқына" қорының төрағасы қызметіне Болат Жәмішев тағайындалды

"Қазақстан халқына" қоғамдық әлеуметтік қоры президенттің тапсырмасымен құрылды.

Мемлекет басшысы Қасым-Жомарт Тоқаевтың тапсырмасы бойынша "Қазақстан халқына" қоғамдық әлеуметтік қоры құрылды, деп хабарлайды премьер-министрдің баспасөз қызметі.

Қор келесі міндеттерді орындайтын болады:

  • Қазақстан Республикасының халқына денсаулық сақтау, білім беру және әлеуметтік қолдау, мәдениет және спорт салаларында мемлекеттік қолдау шараларынан тыс қосымша қамтамасыз ету мәселелері бойынша қайырымдылық көмек көрсету;
  • төтенше жағдайлар кезінде және төтенше жағдай режимін енгізу кезінде Қазақстан Республикасының зардап шеккен халқына көмек көрсету;
  • халықтың әлеуметтік осал топтары және осал топ балаларына спорттық инфрақұрылымның дамуы және қолжетімділігін арттыру бойынша жәрдемдесу;
  • Қазақстан Республикасының аумақтық тұтастығы мен қауіпсіздігін қорғау кезінде қаза тапқан құқық қорғау органдары, арнайы органдар қызметкерлерінің, әскери қызметшілердің отбасыларына және басқа да көмекке мұқтаж жандарға қол ұшын созу, қолдау;
  • Қор қызметінің басқа бағыттары бойынша қайырымдылық көмек көрсету.

Қор жеке қайнаркөздерден, халықаралық қайырымдылық ұйымдарының қаражатынан, лотерея қызметі операторының, ставкаларды есепке алу орталығының және басқа да монополистердің міндетті аударымдарынан, ірі бизнес тарапынан тұрақты аударымдарынан, қайырымдылыққа, оның ішінде квазимемлекеттік секторға арналған қаражаттан қаржыландырылатын болады.

Қордың қамқоршылық кеңесі "Қазақстан халқына" бірауыздан ҚӘҚ төрағасы қызметіне Болат Жәмішевтің кандидатурасын ұсынып, қолдады.


Оқи отырыңыз: Жаңаөзенде басталған бейбіт митинг Алматыда қалайша бүлікке айналып кетті?


"Қазақстан халқына" қорының жоғары басқару органы ретінде Қорға қатысушылардың жалпы жиналысы, бақылаушы орган ретінде – қамқоршылық кеңес, атқарушы орган болып – басқарма және бақылаушы орган болып тексеру комиссиясы тағайындалады.

Бизнес-қоғамдастықтың өкілдері мен көмек ретінде қол ұшын созғысы келетін азаматтар "Қазақстан халқына" Қорының шотына келесі реквизиттер бойынша қаражат аудара алады:

"Қазақстан халқына" қоғамдық қоры, ЖСН/БСН: 220140006999, Кбе 18, KZ97601A871001692501 KZT, "Қазақстан Халық Банкі" АҚ.

Біздің Telegram-каналдағы ең көп оқылған жаңалықтар
Серіктестер жаңалықтары