Қазақстан қор биржасындағы (KASE) күндізгі сауда-саттық қорытындысы бойынша АҚШ долларының бағамы төмендеді.
Сауда нәтижесінде доллардың орташа сараланған бағамы 1,24 теңгеге арзандап, 488,59 теңгені құрады. Ал Қазақстан Ұлттық банкінің ресми бағамы 490,21 теңге деңгейінде белгіленген.
Kurs.kz деректеріне сәйкес, Астанадағы ақша айырбастау орындарында долларды сатып алу бағасы 485,00 теңге болса, сату бағасы 492,00 теңгеге жетті.
Еуро бағамы 562,00–573,56 теңге аралығында қалыптасты. Ресей рублі 6,50 теңгеден сатып алынып, 6,80 теңгеден сатылуда. Ал Қытай юані 68,81 теңгеден қабылданып, 73,91 теңгеден өткізілуде.
Алматы қаласындағы айырбастау пункттерінде доллар орта есеппен 488,23 теңгеден сатып алынып, 490,21 теңгеден сатылып жатыр.
Оңтүстік мегаполисте еуроның бағамы 562,52–569,65 теңге аралығында болса, рубль 6,57–6,71 теңге аралығында саудалануда. Сондай-ақ юань 70,38 теңгеден сатып алынып, 73,02 теңгеден сатылып жатыр.