Мәжіліс төрағасы Ерлан Қошанов президент сайлауына түсіпейтінін мәлімдеді.
"Amanat партиясы президент сайлауына өз кандидатын ұсынады. Мен сайлауға қатыспаймын. Биылғы сайлауға да, бұдан кейінгі сайлауға да. Ресми түрде мәлімдеймін", – деді Ерлан Қошанов.
Алайда мәжіліс төрағасы сайлауға қатысуға лайық кандидаттың есімін атады.
"Ашық айтайын, ол – Қасым-Жомарт Кемелұлы Тоқаев. Сол кісінің кандидатурасын ( егер ол – ред.) келесі сайлауға баратын болса, қолдаймын. Ал енді Қасым-Жомарт Кемелұлы Amanat партиясынан бара ма немесе басқа ұйымдардан бара ма, оны президент өзі шешеді. Негізі Amanat партиясы (өзінің – ред.) президенттің қоғамдық тірегі екенін жариялаған болатын. Сондықтан біз әрқашан президентті қолдаймыз", – деді Ерлан Қошанов.
Оқи отырыңыз:
- Қасым-Жомарт Тоқаев президент сайлауын 2022 жылғы күзде өткізуді ұсынды
- Мәжіліс депутаттары Конституцияға өзгерісті президент сайлауына дейін енгізу қажеттігін айтты
Мәжіліс төрағасы президент сайлауына түсетін лайықты үміткерлер болатынын айтты.
