Ұлттық құраманың бас бапкерінің міндетін атқарушы болып Андрей Карпович тағайындалды, деп хабарлайды Қазақстан футбол федерациясының баспасөз қызметі.
"Андрей Владимирұлы қазақстандық жанкүйерлеріне жақсы таныс. Ол ұлттық құрамада ең көп матч (55) өткізген ойыншылардың бестігіне кіреді. Бірнеше рет капитан ретінде алаңға шыққан болатын", – делінген хабарламада.
Карпович өзінің клубтық мансабында "Елім-ай", "Ертіс", "Қайрат", "Локомотив", "Ордабасы", "Шахтер", "Атырау", "Алтай", сондай-ақ, ресейлік "Ростсельмаш" және мәскеулік "Динамо" командаларында ойнады.
Оқи отырыңыз: Қанат Ислам британдық Келлиден жеңілді. Бұл оның кәсіпқой бокстағы тұңғыш жеңілісі
Бапкерлік мансабын "Қайрат" жүйесінде бастап, одан кейін 2 жыл "Оқжетпесті" жаттықтырды. 2021 жылдың басынан "Қызыл-Жардың" бас бапкері.
Жаңа бас бапкердің командасы үшін алғашқы сынақ 24 наурызда Молдова құрамасына қарсы болады.
Еске салсақ, чемпиондар лигасының финалдық матчының Санкт-Петербургтен Парижге ауыстырылғаны туралы хабарлаған едік. Ресей және Украина аумағында жоспарланған барлық клуб пен құраманың ойындары бейтарап алаңда өтеді.
