Halyk Bank пен Сбербанк "Баспана Хит"  бағдарламасы бойынша тұрғын үй алуға өтінімдерді қабылдауды тоқтатты

Halyk Bank пен Сбербанк "Бапана Хит" жеңілдетілген несиелеу бағдарламасына өтінімдер қабылдаудың тоқтатыла тұрғаны туралы хабарлады.

"Өтінімдерді қабылдау тоқтатылды", – делінген Halyk Bank сайтында.

Сбербанк "Баспана Хит"  бағдарламасына өтінімдер қабылдау 1 маусымнан бастап тоқтатылғанын атап өтті.

"Әрбір банктің бөлінген қаражатқа байланысты несиелеу шегі бар. Егер олар бекітілген өтінімдерге сәйкес өз лимитін аяқтаса, олар енді жаңа өтінімдерді қабылдамайды. Кейбір банктер өз лимитін жұмсап қойса , басқа банктер әлі жұмыс істейді", - деді Қазақстан "Baspana Hit" бағдарламасының операторы "Тұрақтылық қоры" АҚ, деп хабарлайды ҚазТАГ.

Оқи отырыңыз:

•  Ипотеканы қалай қайта қаржыландыруға болады?  
• "7-20-25" және "Баспана Хит" бағдарламалары лимитіне жеткен кезде тоқтатылатыны белгілі болды
• Тұрғын үй бағдарламалары көбейді. Биыл баспаналы болудың 11 мүмкіндігі
• Тұрғын үй кезегіне қалай тұруға болады? Нұсқаулық
• Мемлекеттік тұрғын үй қорынан қалай пәтер алуға болады? Маңызды 13 сұраққа жауап

Барлық екінші деңгейлі банктер үшін "Баспана Хит"  бағдарламасының жалпы шегі 600 миллиард теңгені құрайды. Ол 2021 жылдың соңына дейін бітеді деп күтіледі.

19 мамырда Қаржы нарығын реттеу және дамыту агенттігінің төрайымы Мадина Әбілқасымова Baspana Hit және 7-20-25 бағдарламаларын қаржыландыру 2021-2022 жылдары аяқталатынын айтты. Оның айтуынша,  бұл шешім, мемлекеттің нарықтық принциптерге жол бере отырып, несиелеу бағдарламаларынан біртіндеп бас тартуымен түсіндіріледі.

Құрылыс компаниялар қауымдастығы бағдарламалардың жабылуы ипотека өнімдерінің қымбаттауына әкелетінін атап өтті.