Алматылықтарға тегін көшет таратылады. Оны алу үшін 10 сәуірге дейін өтініш беру қажет

Сурет Алматы Жасыл экономика басқармасының сайтынан алынды
Сурет Алматы Жасыл экономика басқармасының сайтынан алынды

Көшет алушылар отырғызылған ағаштарды екі жыл бойы күтіп-баптауы тиіс.

Алматы Жасыл экономика басқармасы "Жасыл Аула" көшет тарату науқанының басталғаны туралы хабарлады. Шара аясында тұрғындарға емен, шаған, жұпаргүл, каталпа, сумах ағаштарының көшеттері тегін таратылады.

Шараға қатысатын көпқабатты үй тұрғындары көшеттерді өз үй аулаларында отырғыза алады. Бірақ, науқанға қатысушылар екі жыл ішінде отырғызылған ағаштарды күтіп-баптауы тиіс. Ол бойынша арнайы кепілдік міндеттемесіне қол қоюы шарт.

Қатысу үшін [email protected] электронды мекен-жайына келесі деректерді жіберу керек:

  • Ниет білдірген тұлғаның толық аты-жөні және байланыс деректері, көшетті отырғызу орнының нақты мекен-жайы;
  • Көшетті отырғызатын жоспарланған орынның бірнеше фотосуреттері (панорамалық фотосурет, себебі ЖЭБ мамандары орналасқан жерді бағалай алады);
  • Көшеттердің қажетті санын және олардың тұқымдас түрін жазу.

Оқи отырыңыз: Қазақстанда "Таза табиғат" экологиялық жобасы бастау алды


Науқан Jasyl Almaty миллиондаған жасыл желек отырғызу бағдарламасы аясында өтеді.

Серіктестер жаңалықтары