42 500 теңге әлеуметтік төлем алуға 42500.enbek.kz сайтында өтініш беруге болады

Сурет depositphotos.com сайтынан алынды
Сурет depositphotos.com сайтынан алынды

Сервис Enbek.kz электрондық еңбек биржасының алаңында құрылды.

Еңбек және халықты әлеуметтік қорғау министрлігі баспасөз қызметінің хабарлауынша, төтенше жағдай кезеңінде табысынан айырылуға байланысты Мемлекеттік әлеуметтік сақтандыру қорынан берілетін төлемдерге өтініштер беру үшін арнайы сервис іске қосылды.

Оқи отырыңыз: 42500 теңге. Шілде айында бұл әлеуметтік төлем кімдерге беріледі?

Ескерту: Әлеуметтік төлемдерге өтініш беруге арналған 42500.enbek.kz сервисінде бір уақытта тек 25 мың өтініш қабылданады. Бұл шектеу азаматтардың толассыз өтінішіне байланысты сервистің іркілмей, дұрыс жұмыс істеуі үшін жасалды.

МӘСҚ-тан ең төменгі жалақы – 42 500 теңге мөлшерінде төлемге өтініш беру үшін келесі қадамдарды орындау қажет:

  • https://42500.enbek.kz сайтына кіріңіз;
  • "42 500 жәрдемақы алу" таңдаңыз;
  • өтініш берушінің аты-жөні, ЖСН, IBAN немесе жұмыс берушінің БСН, электронды поштасы көрсетілген нысанды (форма) толтырыңыз;
  • нысанды (форма) жіберу керек;
  • жүйе телефон нөмірін сұрайды;
  • телефон нөмірін SMS арқылы жіберілген кодпен растау;
  • өтініш жіберілді.

Өтінішті өңдеп, "Азаматтарға арналған үкімет" мемлекеттік корпорациясы" КЕАҚ деректерін тексергеннен кейін, өтініш беруші қабылданған шешім туралы SMS-хабарлама алады, ақпарат төлемді тағайындау және төлеу үшін МӘСҚ-қа жіберіледі.

Оқи отырыңыз: 42 500 теңге әлеуметтік төлем алатындарға нұсқаулық. Өтініш бүгіннен бастап қабылданады

Төтенше жағдайлар кезінде табысынан айырылу жағдайына байланысты МӘСҚ-тан әлеуметтік төлем келесі санаттағы азаматтарға тағайындалады:

  • орта, шағын және микробизнес субъектілерінің қызметкерлері;
  • жеке кәсіпкерлер;
  • жеке практикамен айналысатын адамдар (нотариус, жеке сот орындаушысы, адвокат, кәсіби медиатор);
  • бірыңғай жиынтық төлемді төлеушілер;
  • нысанасы жұмыстарды орындау (қызметтер көрсету) болып табылатын азаматтық-құқықтық сипаттағы шарттар бойынша табыс табатын, салық агенттері олар үшін міндетті зейнетақы жарналарын аударған адамдар;
  • карантин енгізілген елді мекендердегі ірі бизнес субъектілерінің қызметкерлері.

Өтінімдерді қарастырудың және әлеуметтік төлемдерді тағайындаудың жалпы мерзімі – 3 жұмыс күні.

Оқи отырыңыз: 200 отбасыға – 25 мың теңгеден. Assyltas қорының көмегін кімдер алады?

Өтінімді Telegram желісі арқылы да беруге болады. Республика бойынша Telegram боттарының толық тізімі төменде:

Оқи отырыңыз: Telegram бот арқылы 42 500 теңге әлеуметтік төлемді қалай алуға болады? Нұсқаулық

Оны қолдану бойынша шағын нұсқаулық:

Өзін-өзі жұмыспен қамтыған азамат үшін:

  1. "Өзін-өзі жұмыспен қамтушы" батырмасын басу;
  2. Өзінің ЖСН енгізу;
  3. Электронды пошта адресін енгізу;
  4. Телефон нөмірін енгізу;
  5. Банктік шот нөмірін енгізу (IBAN);
  6. Өтінішті растау;
  7. Бұдан кейін келесі мазмұнда хабарламалар келеді:
  • сіздің өтініміңіздің қабылданғандығы туралы;
  • сіздің өтініміңіздің тіркеу нөмірі;
  • сіздің өтініміңіздің өңделгені туралы жауап.

Оқи отырыңыз: Зейнеткерлер мен студенттер 42 500 теңге әлеуметтік төлем ала ма? Маңызды 18 сұраққа жауап

Қызметкер үшін:

  1. "Қызметкер" батырмасын басу;
  2. ЖСН енгізу;
  3. Жұмыс істейтін ұйымның БСН-ын енгізу;
  4. Электронды пошта адресін енгізу;
  5. Телефон нөмірін енгізу;
  6. Банктік шот нөмірін енгізу (IBAN);
  7. Өтінішті растау;
  8. Бұдан кейін келесі мазмұнда хабарламалар келеді:
  • сіздің өтініміңіздің қабылданғандығы туралы;
  • сіздің өтініміңіздің тіркеу нөмірі;
  • сіздің өтініміңіздің өңделгені туралы жауап.

Поделиться:

Оқи отырыңыз