"Жетісу жастары" тұрғын үй бағдарламасының шарттары белгілі болды

Ипотеканы Талдықорған қаласындағы жетім және ата-ана қамқорлығынан айырылған балалар рәсімдей алады.

Талдықорған қаласында іске қосылатын "Жетісу жастары" тұрғын үй бағдарламасының шарттары жарияланды. Оған қатысуға қалада "жетім және ата-ана қамқорлығынан айырылған балалар" санатындағы баспана кезегінде тұрғандар өтініш бере алады. Әзірге бағдарлама қашан іске қосылатыны белгісіз.

Несиенің негізгі шарттары:

  • сыйақы мөлшерлемесі – жылдық 5%;
  • ең жоғары сома – 10 млн теңгеге дейін;
  • бастапқы жарна жаңа пәтер үшін – 0%, қайталама нарықтағы пәтер үшін – 10%;
  • несие мерзімі – 19 жыл.

"Жетісу жастары" бағдарламасын жүзеге асыруға Талдықорған қаласының әкімдігі 400 млн теңге (алғашқы транш) бөліп отыр. Несие Отбасы банкі арқылы беріледі.


Оқи отырыңыз: Әкімдіктен – 5 пайыздық ипотека. Өңірлік тұрғын үй бағдарламаларына шолу


Несие алушыларға қойылатын шарттар:

  • үміткердің жасы 35 жасқа дейін болуы;
  • Талдықорғанда кемінде 1 жыл тұрақты тіркеуде болуы;
  • соңғы 5 жылда тұрғын үйге меншік құқығы болмауы;
  • Талдықорғанда таңдаған саласы бойынша кемінде 1 жыл ресми жұмыс өтілі болуы;
  • "Жетім немесе ата-ана қамқорлығынан айырылған балалар" санатында болуы қажет.

Банктің Жетісу облыстық филиалының директоры Ғалымжан Шалғымбаевтың түсіндіруінше, несие алушылар үшін алғашқы 8 жылда ай сайынғы төлем 76 600 – 87 600 теңгеге тең болады. Кейін несие сомасы 46 400 теңгеге дейін төмендейді.


Оқи отырыңыз: 5 пайыздық жаңа ипотека: тұрғын үй бағасы тағы қымбаттай ма?


Жеңілдікпен несие алатын үміткерлер пулына ұпай санын көп жинаған қатысушылар кіреді. Ұпайларға некеде тұрған жылдар саны, балаларының бар-жоқтығы, жұмыс орны мен өтілі, мамандығы, жеке кәсіпкер ретіндегі тәжірибесі, Талдықорғанда тіркеуде тұру мерзімінің ұзақтығы және тағы басқа есептеледі.

Жаңалықты жарнамасыз оқыңыз. iOS және Android жүйесіне арналған informburo.kz мобильді қосымшасын жүктеңіз.

Тарату:

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Біздің Telegram-каналдағы ең көп оқылған жаңалықтар

Серіктестер жаңалықтары