Fitch халықаралық рейтинг агенттігі Қазақстанның тәуелсіз кредиттік рейтингінің "BBB" деңгейінде екенін растады, болжам – "Тұрақты", деп хабарлады Үкімет басшысының ресми сайты.
"Қазақстанның рейтингін қолдайтын маңызды факторлар – сыртқы сілкіністерге өзінің орнықтылығын дәлелдеген тұрақты фискалдық және сыртқы баланстары. Агенттік есебінде активтердің едәуір қорлары бюджеттік қаржыландырудың икемділігін және елдің экономикалық тұрақтылығын қамтамасыз ететіні атап көрсетілген", – деп жазылған ақпаратта.
Сарапшылар қазіргі шоттың профициті 3,4% пайызға жақсарғаннан кейін 2024 жылға дейін сақталады деп отыр. Бұл – соңғы 11 жылдағы ең жоғары көрсеткіш. Олардың пікірінше, бұл Қазақстанның сыртқы балансын одан әрі нығайтуға ықпал етпек.
Оқи отырыңыз: Қазақстанда банктерге тойға несие беруге тыйым салына ма?
Жалпы Fitch Қазақстан экономикасы 2023 жылы 4,5 пайызға дейін және 2024 жылы 4,8 пайызға дейін өседі деп болжап отыр.
