Түнгі уақытта полицияға гүл сататын дүкеннің сатушысы тонау болғаны туралы хабарлаған, деп хабарлайды Полиция департаменті.
"Белгісіз адам дүкенге кіріп, қорқытып, бірнеше рет ұрып, кассадан 14 мың теңгені алып, кейін белгісіз бағытқа қашып кеткен", – деді жәбірленуші.
Екі күннен кейін полицияға дәл сондай қоңырау келіп түскен. Бұл жолы да ер адам азық-түлік дүкенінде сол сценарий бойынша әрекет еткен.
"Сатушыға күш көрсетіп, кассадан 110 мың теңгеден астам ақшаны алып, қашып кеткен. Тәртіп сақшылары күдіктіні жедел анықтап, қамауға алды. Ол облыстың 30 жастағы тұрғыны екені, тонау кезінде қылмыс жасаған маңда тәулік бойы пәтер жалдап тұрғаны анықталды. Ұрланған ақшамен қарыздарын өтеген. Аталған факті бойынша қылмыстық іс қозғалды. Қазіргі уақытта барлық жағдайды анықтауға бағытталған қосымша тергеу жүргізіліп жатыр", – делінген хабарламада.
Күдікті мүлкі тәркіленіп, үш жылдан жеті жылға дейінгі мерзімге бас бостандығын шектеу немесе сол мерзімге бас бостандығынан айырылуы мүмкін.
