Жүргізуші ауруханаға жеткізілді.
"Қызылсай-Шымкент" өткелінде HOWO жүк көлігі маневрлік тепловозбен соқтығысты, деп хабарлайды "Қазақстан темір жолы" ұлттық компаниясы.
Оқиға 8 тамыз күні сағат 04:30-да Қызылсай-Шымкент учаскесіндегі күзетілетін теміржол өткелінде болып, пойыздар қозғалысының кестесіне әсер етті.
"Алдын ала мәлімет бойынша, жүк көлігінің жүргізушісі жол қозғалысы ережесін бұзып, келе жатқан пойыздың алдынан өткелге шығып кеткен. Зардап шеккендер жоқ, жүргізуші ауруханаға жеткізілді", – делінген хабарламада.
Оқи отырыңыз: Заңсыз сауда жасағаны үшін іздеуде болған Қазақстан азаматын Дубайдан экстрадицияланды
Апат үш жолаушылар пойызының қозғалысын уақытша тоқтатты. Сағат 07:18-де учаскедегі қозғалыс толығымен қалпына келтірілді.