Қазақстанда қай салалар қосымша құн салығынан босатылады

Қазақстанда тағы қандай салалар үшін қосымша құн салығының мөлшерлемесі 10%-ға белгілей алатыны белгілі болды.

Мәжілістің Қаржы және бюджет комитетінде үкіметтің салық реформасы талқыланып жатыр. Ұлттық экономика вице-министрі Азамат Әмрин баяндама жасады. Оларға ұсынылған слайдтардан ведомство келесі салалар үшін 10% ҚҚС мөлшерлемесін енгізуді қарастырып жатқаны белгілі болды:

• Денсаулық сақтау; 
• IT; 
• туризм;
• шығармашылық индустрия;
• азық-түлік. 

Аграрлармен қатар бұқаралық ақпарат құралдарын ҚҚС-тан босату жоспарланып жатыр. Ұлттық экономика министрлігі ҚҚС мөлшерлемелерін саралаудың келесі тетігін ұсынды: 

• ҚҚС- жалпы белгіленген мөлшерлемесі - 16%;
• бірнеше салалар үшін - аралық мөлшерлеме - 10%;
• ауыл шаруашылығы тауарын өндірушілерді ҚҚС-дан толық босату.