Алматыда дүниежүзілік "Аударыспақ" федерациясы құрылды. Оған Еуразияның 10 елі мүше болды, деп хабарлады "Хабар 24".
Аударыспақ спорты қазақтың ұлттық аударыспақ ойынына негізделген. Мұндай спорттық ойындар қазіргі таңда тек Қазақстан емес, Орталық Азия, Кавказ өңірі, тіпті, Еуропа елдерінде де танымал. Ал Қазақстанда 2 мыңға жуық адам осы спорт түрімен айналысады.
Жаңадан құрылған "Аударыспақ" федерациясы өзінің басты міндеті ретінде "Аударыспақ" спортын дамыту және оны ЮНЕСКО материалдық емес мәдени мұраларының тізіміне енгізуді атап отыр.
"Бірінші кезекте біз бұл спорт түрінің баршаға ортақ бірыңғай саясаты мен ережесін әзірлемекпіз. Өйткені, әрбір елде өзінің ішкі тәртібі бар. Ал біз ортақ ереже әзірлеп, оны федерация аясында бекітпекпіз. Одан әрі біздің спорт бойынша нұсқаулықтар мен кітаптар шығарамыз", – деді "Аударыспақ" федерациясының президенті Марат Жұман.
Оқи отырыңыз:
- "Балаларды атбегілікке баулимыз". Оралдық ұстаздар қалай ұлттық ат спортын дамытып отыр?
- "Садақ ату да – физика". Қазақстанда сұрмергендер қалай дайындалады?