Сарбаздарға қару-жарақты қажет жерге жеткізу үшін әскери көлік авиациясын толықтыратын боламыз, деп мәлімдеді мемлекет басшысы Қасым-Жомарт Тоқаев.
"Бесінші мәселе еліміздің қауіпсіздігін нығайту және қауіп-қатердің алдын алу үшін шұғыл шараларды жүзеге асыру қажет. Біз сарбаздарға әскери техника, қару-жарақты қажет жерге жеткізу үшін әскери көлік авиациясын толықтыру ісін қолға аламыз. Мемлекеттік шекараны нығайтуымыз керек. Көші-қон, соның ішінде ішкі көші-қон саласын ретке келтіретін кез келді. Қару-жарақ айналымын жақсылап тексеріп, оны заң тұрғысынан реттеу қажет. Шұғыл түрде қираған ғимараттар мен арнаулы техниканы жөндеп, бейнебақылау жүйесін іске қосып, құқық қорғау органдарының қызметін қалпына келтіреміз", – деді Тоқаев.
Мұнымен қатар, президент ұлттық қауіпсіздік жүйесін қайта құру қажет екеніне тоқталды.