Мүгедектігі бар адамдардың құқықтарын бұзғаны үшін әуе компаниясы жауапқа тартылды, деп хабарлайды бас көлік прокуратурасы.
"2024 жылғы 3 қарашада Санкт-Петербург–Aстана рейсімен ұшып келген мүмкіндігі шектеулі кәмелетке толмаған жолаушыға әуе компаниясы тиісті қызмет көрсетпеген. Ұзақ күткен жолаушының әкесі баланы ұшақтан өзі шығаруға мәжбүр болды", – делінген хабарламада.
Баспасөз қызметінің мәліметінше, әуе компаниясы қызметкерлерімен мүгедек арбасының қажеттігі туралы қате хабарламасы уақтылы қызмет көрсетпеудің себебі болды.
"Астана авиациялық көлік прокуратурасы ерекше қажеттіктері бар жолаушының құқықтарының бұзылуы бойынша ықпал етті. Прокуратура актісі бойынша әуе компаниясы тасымалдау ережелерін бұзғаны үшін әкімшілік жауаптылыққа тартылды (Қазақстан Республикасының әкімшілік құқық бұзушылықтар туралы кодексінің 571-бабының 1-бөлігі)", – делінген хабарламада.